هــدف حيـــاتي في الانـدومي ضــاع تسـلل ))

[ضياع]

[COLOR="Black"]

عندما تتجلى براءه الاطفال .. في اجسام رجال كالبغال... يصبح الوضع مزرياّ للنعال

في صباح يومن جميل .. وبعد سهرتن ع المنتدى والايميل .. تطرب فيروز وهي تغني

لتعيد روحا سلبها النوم مني .. تردد سلم لي عليه .. وقولو اني ببوس عينيـــــــــــه

واتراقص معها طربا ... انني لست مكلوفا لافيك ولافيــــــــه ....


تنبيه عام

اعلم اخي الحبيب واختي الحبيبه.....انه بدخولكم هذا الموضوع الداج.....فأنكم اشخاص فاضين تبحثون عن "سعة الصدر" و "الوناسه" التي لم تجدوها في منتديات اخرى.....وضاق بكم الطريق الى ان وصلتو لموضوعي هذا...... لكن احب ان اقولكم ان موضوعي هذا الماثل امامكم ماهو الا تكمله لمسلسل ضيقة الصدر والمصاله ...... وماهو الا محاولة "خنبقه" في زمن قلة به الخنابق(جمع خنبقه)....وانه احد اهم اسباب انفلونزا الطيور كما صرح بذلك حسن كراني....فلذلك جرى التنويه .....وشكرا لحسن استماعكم .... ويالله طسو عن وجهي :66d4cb1a0e:

ذبحني الأندومي

(دراما - تشويق - اندومي- واحد شاورما بدون مخلل)


في يوم غابر عاصف ليلاً... بارد شتاء....اشرقت شمس يوم جديد <<< لا تدققون على التعبير تكفون

قمت من النوم فوجدت ماشوف من عيوني ( حتى ظننت انني اعمى )......والسعابييل تملى ارجاء الغرفه (لأني نسيت لا اسكر فمي قبل ماانام ) خخخخ
:050103gig_prv:
(راح نقلب عامي هاللحين <<< من زين الفصحى اللي فوق )

لقيت كيسة الأندومي قدامي........ايه نعم......فطوري اندومي ....وغداي اندومي .... وعشاي اندومي ....... حتى سحوري اندومي بعد.....بس اندومي بطعم الخضار <<< لاعاد تنكتين تكفين
هذا الواقع اللي مااقدر اغيره.....وهو انه من خشونة اظافري والفقر ملازمني ...ماعندي مصروف شاورما بسبة الفقر الشديد .... وصرت اشوف الفقر في كل مكان.....في الثلاجه....في مخباي... حتى انه كان يطل علي مع الدريشه .... لدرجة ان الميانه طاحت بيني وبين الفقر......حتى انه صار يسير علي كل يوم......وصار يجيب خويه "الجوع" معه..... وصرنا افضل ثلاث اخويا.........حتى جاء "العطش" علشأن يكملنا رابع ببلوت

مسكت كيس الأندومي ...وافرغته في قدر (بكسر القاف واذا ماقدرت تكسره خل المنتشري ينثبر عليه ).....وبينما كنت مفهيه والسعابييل توقطر في القدر.....طق باب الغرفه عندي.......يوم فتحته لقيت حليمه وبس ماسكه كورة جمبها
ولابسه بدلة رياضه ضيقه عليها...... حتى سرتها قامت تويدز (تويق) علينا من تحت .....وقالت: هاه ياضياع تجي تلعبي معنا كورة في الملعب (تكفى ياستاد الملك فهد اشوى انها حارة مسورة ).....قلت لها: قدام بس اخلص اللي في يدي (الأندومي طبعاً ).....ويوم بلعت الأندومي....جيت ركض عند درجي....واطلع البدله حقتي الخضراء اللي مخططه بأبيض
ومكتوب على صدرها وزارة المعارف <<<< تراه ماادري ان اسم الوزارة تغير

وانزل للملعب....وسط حضور جماهيري كبير (المشكله ان الجمهور طبو في الملعب بعد)....طبيت معهم واقعد اشووت ذا الكورة يمين ويسار....انا ماادري مع من لكن اهم شي ان اجيب قوول بغض النظر عن مرمى الفريق المنافس
طبعاً نمشي على القانون الصادر من الفيفا والمصدق من عند الأتحاد السعودي اللي يقول: اخر واحد ه حارسه

شوي الا توصل الكورة لحليمه وبس....وهي اللي تشوتها فوق....وكانت رايحه لمرمانا.....وانا كنت اخر وحده عند القول...قلت مابدهاش ان راح ارد الكورة....واجيك وانقز....واطلعها برجلي "دبل كيك" من حلق المرمى(طبعا نسيت اني انا الحارسه).....واجيك محوله على رأسي.....صحيح انه مؤلم.....لكن مايهم اهم شي اني خلصت الكورة من المرمى.....ويجون افراد فريقي ويشيلوني على الأعناق....وسط تصفير وتصفيق من عيال الحارة....والشباب المعجبين يطلطلون من درايش بيوتهم ... وقلت لهم خلاص رجعوني لغرفتي مابعد الدبل كيك شي ...... وراحو زفوني عند غرفتي ....وخلوني اريح هناك بعد ماسويت لهم الأنجاز الكبير .... من زود الوناسه نمت وانا مبتسمه

صباح اليوم الثاني طق الباب .....فتحته لقيت شخص لاعبه بوجهه الثعلبه....قلت له يالحبيب فلوس ماعندي ...تبغى زقاره رح شف في اخر الشارع فيه هيئة اغاثة....كودك تلقى شي يسد حاجتك


قال: ماعرفتيني؟؟؟ انا "الروسي"رئيس نادي تشيلسي الأنجليزي <<< ترى هذي صورة خشتي:wacko:
قلت له: الملياردير الروسي البطران ماغيره...يالله ان تحيه
قال: قولي ماشاءالله <<<< ايه هين قال كذا
قلت له: بشرنا وش اخبار تشيلسي عساه طيب <<< تحسب ان تشيلسي رجال
قال: اقول لا يكثر بس....انا جاي هنا علشاني شفتك امس بالجزيرة الرياضيه وحسيت ان فيك موهبه كرويه وحبيت اعرض عليك انك تنضمين للفريق...لأن فيه مبارة ديربي بين تشيلسي وارسنال ابغاك تلعبينها ....هاه وش قلتي
قلت له: قدام للصدام والريوس مفصول


وصلت لندن ....واخذتلي اجره وعلى ملعب تشيلسي .... في الطريق حصلت اشياء غريبه ..... لقيت كتابات على جدران
مثل ...ترجمتها : تشيلسي عالي عالي وارسنال تحت نعالي ....بصراحه شكيت قلت انا بلندن ولا بالنسيم .....واللي زاد شكي ان حصلت قبل حديقة "الهايد بارك" خيام يبيعون "حطب نص استوى" للي وده يكشت في "الهايد بارك"..... والله اني حسيت اني في حدى شيش صلبوخ ....والله منتو بهينين يالسعوديين ثقافتكم وصلت لندن <<< ابد تراه مايقصد شي


دخلت الملعب.....لقيت المدرجات مليانه جمهور..... والشقر كثر التراب (بعذرهم ذا الأوربيين يلعبون زين....لاقين ذا الطخوم يستعرضون قدامهم....مهو بحنا الله يخلف علينا ....انتم جربو يالاتحاد السعودي وافتحو المدرجات للجنس الناعم....وشوفو كيف اللعب بالملعب والمدرجات )........لقيت تكارنه متجمعين في اخر المدرجات ويشجعون ارسنال ويقولون: ...ترجمتها: اخاف يزعل علي ابو يعقوب هههه

بدة المباراة .......طبعا المدرب الله يخسه حاطني احتياط (ماعندهم اكرام الضيف ثلاث ايام):sweatdrop2: ......تقدم ارسنال بهدف سجله تيري هنري.....وانا قاعده احاول بالمدرب يدخلني الملعب وهو رافض .....انتهى الشوط الأول ....بدء الشوط الثاني
وانا مازلت بالأحتياط.....جاب هنري الهدف الثاني .....بعدها قفلت الأخلاق.....قلت للمدرب ياتدخلني ولا ترى ابذب البدله بوجهك .... قال المدرب: وش عنده رونالدو الغفله"قالها المدرب مستهزئاً ".... وبعد شد وجذب بيني وبين المدرب رضا هذا الأخير انه يدخلني...يوم دخلت الملعب ....تفاجأت بالحكم واقف قدامي ويمنعني من دخول الملعب!!!!

[ضياع]

[COLOR="Black"]
قلت للحكم: خير وش المانع!.....قال الحكم: هماك سعوديه؟...قلت له: لا اندونيسيه منتهيه اقامتها اكييد سعوديه "قالتها مازحاً غاضباً ".......قال: وش قصتكم بالسعوديه ماتلعبون الا ثلاث اجانب......قلت له: وانت وش حارق رزك ان شاءالله نلعب بربع لاعب دورينا وبكيفنا....قال:دام الدعوة كيف اجل جيبي ورقة من المرور (عفوا ) ورقة من الفيفا علشأن تدخلي الملعب انا الحكم هنا بكيفي.....وبعدها صار الحكم يلعب برموشه

وانا اطير زي البرق لسويسرا مقر الفيفا......واجيك وادخل على رئيس الفيفا.....وارمي شماغي على مكتبه (مع اني ماكنت لابس شماغ! اكيد >تخيلت نفسها شاب)....وقلت له: تكفى وترى تكفى تهز الرياجيل

هذا بلاتر يوم انه حالف(ن) على الجماعه ويقول: ترى غداكم الدزابله(القابله) عندي

قال بلاتر:خير ان شاءالله.....قلت له: ابغى ورقة من عندكم مختومه عندي مباراة مهمه الأن والحكم مانعني من اللعب....قال:الحكم صادز(صادق) لازم ورقة بس مهو كل واحد نعطيه ورقه....قلت له: يعني تبغون شهود ومزكيين ولا وش السالفه....قال: لا مايحتاج مثلك عارف ياما وياما مشينا ملفات مهي بكامله وعقود لاعبين واهداف يعني لا يخدم بخيل (ملعون بلاتر ).....قلت له: انت كم تبي بس لك مني شيك مفتوح (كله على حساب ابو ثعلبه الروسي )......يوم قلت له شيك مفتوح شفت سعابيله تقوطر على المكتب وعلى طول يطلع الورقة لا ومختومه بعد (اتوقع لو زدت المبلغ شوي كان هتكت عرض بلاتر )....اول ماخذت الورقة واحط رجلي....واسمع بلاتر يناديني: ياضياع وين الحساب؟؟.....قلت له: الحساب يوم الحساب <<<< حركات عرابجة بوفيات النسيم


هذا بلاتر يوم جاء يصور صورة4*6علشأن يقدم على الفيفا....بس سقط في امتحان القدرات

جيت طايره....وصلت الملعب وباقي دقيقه على نهاية المباراة <<< ترى حنا في عصر السرعه لا تدققون كثير
والنتيجه هدفين لهدف لصالح ارسنال.....واجيك واحذف الورقة في خشة الحكم....وانطلق واخذ الكورة....واجيك طايره متجها للمرمى.....يوم وصلت المرمى وهو ينبرش علي هنري بكبره <<< تراه مااعرف الا ذا اللاعب من ارسنال
ويصفر الحكم عن ضربة جزاء....اول ماطحت مسكت الكورة وحضنتها وقلت مايشوت البلنتي الا انا <<<حركات ابتدائي

قلت هذي فرصتي اني ادخل بوابة العالميه.....اجيب هدف تعادل لفريقي من اول لمسه.....ولا وش الفرق بيني وبين بيكهام اساساً.....بس نفرق بالشكل اكيد والجنس....طبعاً الطخامه لصالحي <<< يابنت يحلفون ان رونالدينهو اطخم منك ههههه
يوم جيت ابسدد البلنتي احترت....ماادري اشوت يمين او يسار....بس قررت في النهايه اني اشوت وسط....اضمن انها اذا ماجت قوول فأنها راح تصفق خشة الحارس....يعني كسبان في النهايه:500000:

واجيك واشوووت الكورة

طااااااااااااااااااااااااااااااخ

برايفت اداره منتدنا :

ياليت لو تضيفون مؤثرات صوتيه علشأن يندمجون الأعضاء مع القصه <<< اقول ماودك تنثبرين بس :56:


نكمل القصه

طاااااااااااااااااااااااااخ






شوي الا اشوف الأندومي منتثر في كل مكان بالغرفه .....والقدر مصقوع في الجدار ومنكسر ....واصابع رجلي متورمه وتصب دم.....اتضح اني شت القدر بدل الكورة
يعني كل السالفه اللي فوق طلعت حلم يقظه ......يعني مافيه لا شهره ولا فلوس......مافيه الا اندومي .....لا منتثر بعد

اااااااااه يالأندومي.....ذبحتني يالأندومي هدفي فيك ضاع تسلل :030104_emTE17_prv:

اااااااه هذا حلنا يالبنات اذا تخيلنا نفسنا شباب ليوم واحد
:harhar1: :harhar1:]

[!! Mr.Nader !!]

ذبحني الأندومي

(دراما - تشويق - اندومي- واحد شاورما بدون مخلل)




يسلموووووووووووووووووووووووووو

[الاحـــــ طائر ـــــزان]

القلم الحزين طلب شاورما بدون مخلل

ممكن واحد كشرى

وكتر الدقة

[algohmani]

هع هع

واحد شاورما من بلاتر لو سمحت


يسلموووووووووو