وكم طحله جت على التسبد ..... دخلتني المستشفاسي <<
<< المستشفاسي اصله المشتشفى بس القافيه حدتنا نزود (اسي) وادري ان هالابيات تفشَّل بس الجود من الماجود و كلكم تبي تعذرونن لأني ما انيب شاعر انا هالحين يالله اعرف احتسي وشلون عاد اقول شعر هالحين يبي ينط حدا الملقف ويقول ورى ما عطيته شاعر وهو يكتبه لك وانا مقدما اقوله دورت وما لقيت صدز ان احساس جدة رفيدزي الروح بالروح بس مستحن منه لأني اطلبه ثلاث ميه و ثنين وسبعين ريال واخاف لامني دقيت يحسبن المح له وانا تحسبن ذخرت قمت اتذكر منهو من الشله شاعر على طول طرالي الزين وادق عليه
قال قبل ثلاثت ايام قلت قصيده خمسين بيت مير تنشف القريحه وهذاي من امس احاول ازعب لي بيتن واحد ماقدرت
قلت مافيه الارفيدزنا فسفس وادقدق عليه ولا يرد يوم قعدت شوي الاويرسل لي رساله جوال يقول انا ناسين الجوال بالبيت ! ! ! <<<<قلت بنفسي هالخبل دايم ينسى الجوال بالبيت (انواع الفهاوه)
هالموضوع تفاعلي يعني ابعطيك تجربتي وتعطين تجربتك ونتبادل الخبرات واعتبره دوره في تطوير الذات وزبدة الموضوع اني ابعطيكم ثلاث تجارب تصفقت فيها يعني ناس توطوا في بطني والقصص صدزيه من الواقع والهدف من ذلك اني ودي ابين لبعض الي ودهم يصيرون عرابجه ان البدايات لابد لها من العثرات فالله الله بالتفاعل <<<< وين يا ابو الشباب مختبر ذا مهوب موضوع
هذا الموضوع اهداء خاص لـ الزين يفرض نفسه وفسفس ولا يهونون الباقين
هاك اليوم هدان الله ونمت بعد صلاة الاخير (صلاة العشاء) بعد ماضربت لي صحن مرقوق بالشطه وانا بغرفة النوم مادريت الا امي تقومن لصلاة الفجر قمت ورحت صليت ويوم رجعت الا النوم طاير والبيت خلي ولابه احدن ينفس كلهم يشخرون قعدت شوي بالغرفة لكن مليت مير يهضل ابليس قال دام مابه احد قم شغل النت وتصفح مواقع المصارعه ! !
قلت والله الفكرة واتذكر إن زمان عند اخوي كروكسيات وتخبرون اخوي تنح وقام ووزعهن على الناس لما مابقى شي ويوم يوزعهن اخوي اخذت لي قحشه كروكسيات وهو ما يدري وحطيتهن تحت الفرشه لوقت العازه يوم جيت ادورهن هالحين الا الفيران اكلاتنهن وما خلن شي الا يوم احبطت وشلت الفكره من راسي
واقعد شوي الا يوم ذبحن الفراغ والفضاوه حتى اني حسيت اني افضى من الربع الخالي بشوي قلت مابدهاش اطلع دورلك شي تشتغل به يا خزان واقوم واطلع للحوش والقى العدة عند الملحق واخذ المفكات قلت ابدور لي شي اشتغل به قلت مافيه الا البراده واروح لمه يوم بديت افكك الا الوالده دزد (قد) قامت تصلح الفطور الا وتطب علي
قالت : وش تسوي
قلت : اصلح البرادة
قالت : عساك للبلش ما لنا الا اسبوع شارينه والا تبي تخربه مثل هاك المكيف جديد ورحت تفككه و تخليه
قلت : يمه المكيف ذاك ما عنده سالفه والا تراي بس فكيت (الكمبرشر) وحلته بالزباله لواني بمكانه تسان ما خربت
يوم قالته قلت والله فكره ورى ما اروح للحوش و اتمدد وانبسط بهاك البراد وانطلدز للحوش الي كله نخل وبه سادزي (ساقي) تسبير بالوسط واروح وادخل الحوش الا مابه احد واروح لم هاك النخله وافصخ ثوبي واعلدزه عليه ويبقى علي فنيله علاقي وسروال سنه (قصير) وانجطل بجنب السادزي والقي قفاي الهوى ويقوم الهوى يتسثح (يكثح) علي من هالبراد وبينما انا تسذا قعدت اناظر السما وتارة اخرى اناظر النخل حسيت بشوي حنان قلت خل اسوي مثل الافلام لاصار الواحد ضايقن صدره قعد عند الماء وبدا يناظر صورته همن ياخذ حصاة ويحلته بالماء همن تصير دويره همن يناظر صورته وهاتسذا قلت بعد فرصة اشوف وجهي من مبطي ما شفته
صوره توضيحيه لمعنى انجطل والعرب تقول انجطل ينجطل انجطالا وهو منجطل وهي منجطله
قال الشاعر قيس بن الملوح يصف محبوبته :
ولقد رأيتها وهي في فراشها . . . . كهيئة الكنغر المنجطلِ
يوم ودزت بالماء الاوش اشوف
هاك الشيفه الي يروع تصدقون بغيت اهج يوم شفت هاك الوجه واقوم اتلفت قلت يمكنه صورة واحدن جالسن بجنبي وانا ما دريت واتلفت واتلفت واتلفت
الا مابه الا انا
ميرانصدم قلت معقوله هذا انا لالالالالالالالالالالا ماني مصدق وين البياض وين الوسامه وين الملاحه وين الشعر الناعم وين راحن
ومنين جت هالبلاوي الي بوجهي ثلاث طعش فلقه بالراس وتسع مخوش بالوجه وسنين مكسورات
وقعد افكر قلت بس مافيه الا المضاربات هي السبب لكن
بالمضاربات دايم انا الي اصطر <<<< بكسر الطاء
خزان قبل عوامل التعريه
خزان بعد عوامل التعريه
واقعد افكر قلت كم مرة تصطرت يا خزان
واقعد احسب المضاربات الي تصطرت به
وحدة زايد وحدة زايد وحدة همن يطلع الناتج سبعه <<<<<لو يدري فيثاغورس تسان فقع وجهي همن زدنالهن وحده
واحسبه مرة ثانيه ويطلع الناتج تسعه
قلت الارقام ماتهم اهم شي الاخلاق
قلت ابعلمكم بهن وتراهن صدز :
7
7
7
7 (يتبع)
آخر تعديل بحـ الوله ـور يوم 20-12-2006 في 01:01 AM.
هبك إلحقوا علي تصطرت وتفقع وجهي >>> إزحف تنحف
{[ سبحانـ الله وبحمدهـ عدد خلقه ورضا نفسه وزنة عرشه ومداد كلماته ]} 2
كان عمري يمكن اربع طعش وعندي اخو اكبر مني ملقوف صدز كنا هاك اليوم نلعب كوره بالحارة ومعنا واحد طويل اسمه محمد كبر اخوي تحارش هو واخوي جاك اخوي وياخذ حصاة ويشق راسه قعد يصيح الولد وهو عمره ست او سبع طعش و راح لبيتهم
يوم جاء من باتسر الظهر كنت ادوج بعز القايله حافي القدمين طبعا يوم دريت الا يوم طلع لي محمد ومعه واحد من عيال عمه اسمه فهد دب وعمره يمكن تسع طعش وبيده خشبه طويله شوي
قال فهد : وين اخوك فلان
قلت : ما ادري
قالوا : امش معنا طلعه ندري انك تعرف الاماكن الي يروح له
رحت معهم اخذنا فره على الحاره مالقيناه يوم قربنا حول بيتنا الا يوم هدَّوا شوي وخلون اتقدم عليهم بكم خطوه وانا اقول الحمد لله قربنا للبيت مادريت
الا يوم محطن بأقوى حيله بالخشبه مع وسط الظهر من قو الضربه انكسرت الخشبه نصين
كنا نلعب طائره برمضان بمكان يبعد عن بيتنا يمكن كيلو وتجتمع فيه كم حاره المهم فيه واحد من الحاره الثانيه رفيدزن لي عبد (وكلنا عبيدن لله) اسمه متعب وله ولد خاله توه جاي من منطقه ثانيه طويل وعليه براطم ابد تسنك شايفن ( تورام لاعب فرنسا ) هالتكروني لا شفته بس تحس ان خدك يوجعك المهم وحنا نلعب وما عندنا من الشيطان طاري صار بيني وبين متعب كلام دايم يصير بيننا تدخلوا الشباب بيننا وانا اتكلم عليه وبيننا الشباب ما دريت الا الي جاني هالتكروني من ورى يوم التفت الا ويمسكني ويعطيني ركبه مع المتسان الي انتم خابرينه اشوى وادنق بسرعه وتجي الضربه مع البطن ويفكوننا الشباب واروح للبيت مكسور الخاطر <<<<< لو الضربه جايتن صح تسان انا هالحين سطل وضايعن مستقبلي بس الله فكنا من هالتكروني
متعب وولد خالته وهم يحاولون الامساك بـ خزان وهو شاقن الشعيب
الزين تهقى لو هي جايتن صح تسان لما هالحين محتفظ برجولتي
على طاري التكرن يقولك فيه اثنين تكرن تضاربوا طلعت ريحة كفرات .....
وعلى طار الكفرات يقولك واحد غبي شرى كابرس قطع رجله اليسرى <<<<<<< اذا فيه بنت فهمت هالنكته له جائزة قيمه وهي كابرس موديل واحد وثمانين مكتوب عليه من ورى الطايف
مره رحنا للقصيم عند خوالي وكنا انا واخوي مصيطرين على كل عيال خوالي كانوا يخافون منا من جد
المهم لي خال عنده عيال كثار بس اخوياي منهم واحد اسمه عادل (كبري) والثاني هشام (اصغر من بسنه)
<<<<<<< مع احترامي لخالي ما عنده ذوق عاد هذي اسامي يالله لك الحمد لا وبعد من زين الاشكال دببتن ما يدخلون مع الباب
كنا نطلع نصيع بالشوارع ومعنا عيال خوالي الثانين لما اخر الليل وفي ذاك اليوم الاسود قمت اتكلم عليهم واذب عليهم ذبات قويه واهزئهم قدام العيال وهم ساكتين بس فجأه والله ماتفقوا ولا شي قاموا علي وغسلوا شراعي ويالله افك نفسي مير تنكسر عيني ولا عاد اتعرضهم
لحجز
مساحه لموقعكـ اضغط هنا \\
إعلانات الشركات تتم فقط من خلال الإعلان بجوجل ومن ثم استهداف موقع غرام
اضغط هنا 
<<<<<لو يدري فيثاغورس تسان فقع وجهي همن زدنالهن وحده
ويالله افك نفسي مير تنكسر عيني ولا عاد اتعرضهم
العرض العادي
