أمل و ألم

[كـش ملك]

هنا مل الشعر .. صام الكلام .. وزانت الاحلام =هنا انهيت كابوسك .. وبديت احقق احــلامي

هنا الصحوة .. هنا بأرمي ثياب كلــلها آلآم =وأخيط من الأمل ثوبي ..وتو العمر قدامـــي

هنا فكرت باللي صار وقعدت اضحك من الايام =وانا ماني غشيم ولا غرير.. بلعبة ايامـــي

هنا وقت انتصر عقلي على قلبي على الأوهام =وحطيت النقط فوق الحروف..وخجلت أوهامي

هنا وش يفرق الآمال والآلام .. غيــر اللام =وأنا قررت أعــدلها وعلى كيفي بأحط لامي

هنا تبقالي الذكرى .. وهي للشاعر الالهــام = وأنا عفت الشعر .. مادام في ذكراك الهــامي

تحسبني اذا صديت .. بأسهر ليــلتي مانام ؟ =وبتحراك ..وأترجاك .. وقلبي للقى ضامــي؟

أبــد ماتلوي ذراعي ولانت بكفو منك أنظام =ولا تستاهل القلب وهواه الطاهر الســـامي

هذاك أول وأنا لأجلك .. غديت الشاعر الرسام =وكتبتك أجمل أبياتي .. ورسمتك أجمل أحلامي

هذاك أول وانا حروفي بوصفك دمها ما صام =على خد الورق في دفتري اللي عج بآلامــي

مسامح كثر ماعذبت في حبك .. من الأقــلام =وصدقني ولو حن الشعر ..؟ لأكسر أقــلامي

بقلمي " بندر الصقر"

[بكاد]

هنا وش يفرق الآمـال والآلام .. غيـر الـلام
وأنا قررت أعدلها وعلى كيفـي بأحـط لامـي

يسلموووو
على القصيد الحلوووووو

[زهرة التوليب]

روعة يا بندر

تعجبني القصائد الوجدانية

هنا وش يفرق الآمـال والآلام .. غيـر الـلام
وأنا قررت أعدلها وعلى كيفـي بأحـط لامـي

هالبيت خياااالي وما يكتبه الا مبدع

صح لسانك ملايين ولاهنت

[ملاك والنظره هلاك]

ابدع قلمك

يعطيك العافيه وتسلم دياتك

مع تحياتـي وودي

[..* الدانـــة *..]

كلمات روعة وقلم مبدع ..

[/

الله يعطيك العافية أخوي..

ننتظر جديد قلمك المبدع ..

::

دمت في حفظ الرحمن